Në vijim të hetimit për përmbytjet e shkaktuara në fund të nëntorit të kaluar në autostradën Tiranë- Durrës, Prokuroria e Tiranës kërkon nga Autoriteti Rrugor Shqiptar që t’i vendosë në dispozicion projektin e ngushtimit të rrugës në afërsi të Urës së Limuthit.
Pas përmbytjeve të shumë bizneseve në nëntor të vitit të kaluar në autostradën Tiranë-Durrës, prokuroria e kryeqytetit i kërkoi zyrtarisht Atoritetit Rrugor Shqiptar, dosjen e projektit për ngushtimin e përroit në urën e Limuthit.
Organi i akuzës fillimisht i kërkoi bashkisë së Vorës vënien në dispozicion të planit urbanistik që devijonte ngushtonte gjërësinë e rrugës në përgjatë dy anëve të autostradës. Por ndërhyrjet në rrugët kombëtare është kompetencë e ARRSH, ishte shprehur zyratarisht në prokurori Bashkia e Vorës. Autoriteti Rrugor sipas prokurorisë ka firmosur ngushtimin e shtratit të përroit e për pasojë ka ardhur edhe përmbytja e zonës, si biznese e banesa nga shirat e dendur të datës 30 nëntor 2017.
Prej më shumë se 10 ditësh prokurori i çështjes Ervin Karaxha i ka dërguar zyrtarisht ARRSH-së, vënien në dispozicion të projektit për ngushtimin e rrugës, dhe të shtratit të përroit të Limuthi, ku në mesin e tyre u mbollën palmat.
Deri më tani janë paraqitur në prokurori 20 biznese që kanë bërë kallëzim për dëmtimin e pronës nga përmbyetja. Po kështu edhe kryefamiljarë kërkojnë dëmshpërblim pasi përmbyetja sipas tyre ka ardhur nga devijimi i projektit fillestar. Ndërkohë nuk ende një shifër nga komitetit i emrgjenca që u ngrit për të përllogaritur dëmin e shkaktuar nga vërshimi i përroit të Limuthit përgjatë autostradës Tiranës-Durrës.
