Ministri i Mbrojtjes Niko Peleshi ka mbajtur fjalën me nisjen e punimeve për realizimin e projektit për modernizimin e bazës ajrore në Kuçovë. Të pranishëm janë ambasadorja e SHBA në Tiranë, Yuri Kim dhe kryeministri Edi Rama.
Peleshi në fjalën e tij dha se ky është një projekt madhor, ndërsa theksoi se nuk do ishin këtu pa ndihmën e aleatëve.
“Projekt madhor. Dua të falënderoj kryeministrin për vëmendjen për këtë projekt. Jemi gati të vendosim gurin e themelit për fillimin e punimeve. Nuk do ishim këtu pa ndihmën e aleatëve tonë. Ky projekt mori jetë tre vite më parë kur morën zyrtarisht lajmin për këtë projekt. Përzgjedhja e Shqipërisë është një mundësi për të marrë më shumë përgjegjësi. Ky zhvillim vjen në një periudhë të trazuar në kufijtë lindor të aleancës. Është prova e fortë se Shqipëria është një aleat i rëndësishëm. Ndërtimi i kësaj baze është një mesazh i qartë për rajone me qëllime rivale. Forcon orientimin tonë perëndimor. Iniciativa të tjera si këto janë të mirëseardhura. Shqipëria dhe FA janë të angazhuara. Gjithashtu po ndjekim me seriozitet praktike për shpronësimin e pronave. Uron mbarësi në ecurinë e punimeve” tha Peleshi ndër të tjera.
