Drejtori i shërbimit gjeologjik në Gjirokastër Çano Nora Drejtori iu bëri thirrje të gjithë banorëve të pallatit 5-katesh qe rrezikonte te shembej qe të kthehen në banesat e tyre. Sipas tij bazuar në studimin e fundit nuk ka më rrezik për jetën.
Pallati që futi në panik banorët në lagjen Punëtori në Gjirokastër është i sigurtë. Kështu thuhet në raportin e dytë të gjeologëve për situatën e krijuar një pallat pesëkatësh dhe dy ndërtesa dy dhe trekatëshe pas rrëshkitjes së shpatit të kodrës. Megjithëse shkarjet janë thelluar, drejtori i shërbimit gjeologjik të Gjirokastrës thotë se banorët mund të qëndrojnë në banesat e tyre. Drejtori i shërbimit gjeologjik në Gjirokastër, Çano Nora i bëri thirrje të gjithë banorëve të kthehen në banesat e tyre dhe t’i kthehen jetës.
Raporti përfundimtar parashikon marrjen e masave sipas një plani afatmesëm dhe afatgjatë. Të menjëhershme priten të jenë ndërhyrjet në drenazhimin e ujërave, ndërsa me përmirësimin e motit mendohet të fillojnë punimet për ndërtimin e mureve mbrojtëse. Rrëshqitjet e dheut në Gjirokastër po bëhen përherë e më të pranishme. Një masiv dheu rrëshqiti mëngjesin e kesaj te enjte ne rrugën poshtë kullës së kalasë, cka sipas specialistëve cilësohet e rrezikshme për vetë kalanë e Gjirokastrës.
