Deputeti i Partisë Demokratike, Zef Hila ka reaguar pasi ditën e sotme u paraqit në ambiemtet e SPAK. Hila me anë të një postimi në rrjetet sociale thotë se nuk ka asnjë procedim penal ndaj tij dhe se ai është thirrur në cilësinë e personit që ka dijeni për rrethanat e hetimit.
Ai tha se ka të bëjë me një çështje që është në proces, teksa tha se nuk mund të jepte më shumë për shkak se çështja është ende më hetim.
Postimi i plotë i Zef Hilës:
Pasi u njoha me disa publikime ne media që lidhen me emrin tim,dua te sqaroj opinionin publik se :
Nuk ka asnjë proçedim penal ndaj meje.
Sot u paraqita pranë SPAK-ut në cilsinë e personit që ka dijeni për rrethanat e hetimit. Kjo, lidhur me një çështje që është në proces. Nuk mund të jap detaje për sa shpjegova në respekt te ligjit, pasi hetimi i çështjes është në proces nga organi procedues dhe konsiderohet sekret.
Unë si deputet i Partisë demokratike do të vazhdoj misionin tim në mbështje dhe mbrojtje të interesave të qytetarëve.
