Analisti Shpëtim Nzarko në studion e lajmeve në MCN Live ka komentuar lidhur me sipërfaqet e përmbytura një ditë më parë nga reshjet shiut për të cilën u shpreh se nuk sheh asgjë të çuditshme pasi është një histori që përsëritet prej 30 vitesh.
Ai tha se kjo klasë politike është shumë më pas edhe se komunistët dhe se ata nuk janë duke e vrarë aspak mendjen.
“Kemi një histori që përsëritet prej 30 vitesh dhe secila palë akuzon tjetrën. Pas ‘90 mund ta bënte me një paralajmërim duke thënë se në Obot s’mund të ndërtosh shtëpi, kështu dhe ata mund ti merrnin me mend rreziqet, kjo është një çmenduri. Pra në këtë pikëpamje kjo klasë politike është shumë më mbrapa se ish komunizmi vjetër, prej 30 vitesh vijnë vërdallë dhe nuk kanë në mendje për të ndërtuar diçka.
Ne vërtetë kemi ujëra, por ato vijnë nga mali që janë të rrëmbyeshëm në dimër dhe të thata në verë dhe së treti një hidrocentral rentabilitetin e tij e ka 30-35 vjet sepse mbetjet që ai ka të del më shumë të pastrosh mbetjet se sa të ndërtosh një të ri dhe ata hidrocentrale me sa di unë kanë mbi 40 vjet. E gjithë kjo është shembull shumë i keq, është një histori që do e përjetojmë dhe vitet e tjera dhe nuk shoh asnjë çudi, klasa politike nuk e vret mendjen.”, u shpreh ai.
