Kryeministri i Shqipërisë, Edi Rama, ka njoftuar se ditën e sotme do përmbyllet pakoja e ndihmës për rreth 1 mln persona, ndihmë kjo e cila sipas tij do të shpërndahet tek kategori të ndryshme të shoqërisë përgjatë gjithë muajit janar. Sipas tij, kjo është qeveria e shumicës, e cila nuk i ndanë njerëzit
Postimi i kryeministrit:
Qeveria po mbyll Pakon e Madhe në mbështetje të 1 milionë individëve, për të lehtësuar ndjeshëm daljen e familjeve shqiptare nga ky dimër i ngarkuar, duke zeruar efektin e inflacionit të luftës mbi konsumin bazë për pensionistët, familjet në ndihmë ekonomike, posaçërisht nënat kryefamiljare në skemën e ndihmës ekonomike, paraplegjikët, tetraplegjikët, personat me aftësi të kufizuara, invalidët e punës, po edhe për punonjësit e shtetit – duke dhënë më shumë për ata që fitojnë më pak, por pa lënë askënd pa mbështetje.
