Policia ka gjetur dhe ka sekuestruar në Fier 75,5 kg Kanabis Sativa, një armë zjarri dhe 2 automjete.
Nga ky operacion janë arrestaur 3 persona:
Skënder Vrenozi, 57 vjeç banues në lagjen “16 Prilli” Fier, Spartak Çeraj, 43 vjeç banues në lagjen “Perash”, Shkodër, Klaudio Hasaj, 32 vjeçbanues në lagjen “Perash” Shkodër.
Gjatë kontrolli të ushtruar në lagjen “16 Prilli” në banesën e shtetasit Skënder Vrenozi dhe në lokalin në pronësi të tij “Gentvis”, Patos , u gjetën dhe u sekuestruan në cilësinë e provës materiale 75.5 Kg lëndë narkotike e dyshuar Cannabis Sativa. Gjatë operacionit, bashkë me shtetasin Skënder Vrenozi, ishin edhe shtetasit Spartak Çeraj dhe Klaudio Hasaj të cilët dyshohen si bashkëpunëtor të kësaj veprimtarie kriminale. Gjithashtu, gjatë kontrollit të ushtruar në banesën e shtetasit E.V, 31 vjeç,(djali i shtetasit Skënder Vrenozi), u gjet dhe u sekuestrua një armë zjarri tip pistoletë TT me 1 krëhër dhe 5 fishekë. Shtetasi E.V u shpall në kërkim dhe po punohet për kapjen e tij për veprën penale “Prodhimi dhe mbajtja pa leje e armëve dhe municionit luftarak”, sipas njoftimit të policisë.
Materialet proceduriale i kaluan Prokurorisë së Gjykatës së Shkallës së Parë Fier për veprën penale “Prodhimi dhe shitja e lëndëve narkotike” e kryer në bashkëpunim.
