Gledis Nano mori sot zyrtarisht postin e drejtorit të përgjithshëm të Policisë së Shtetit.
Nano është vlerësuar për punën e tij si agjent i anti-terrorit si dhe për një sërë specializimesh, disa prej të cilave i ka kryer në Shtetet e Bashkuara të Amerikës.
Por cila është pasuria e kryepolicit Nano?
Sipas delkaratave të bëra në Komisionin e Jashtëm të Vlerësimit, rezulton se Gledis Nano banon në një apartament “modest” në Tiranë, i blerë në vitin 1995, me një sipërfaqe prej 78.9 m2 dhe ku zotëron pjesë në masën 25 %. Në këtë apartament është bërë edhe një shtesë në vitet 1999-2000, raporton Neësbomb.al.
Por Nano është edhe përfitues në masën 1/7 në disa sipërfaqe të konsiderueshme tokash në zonën e Yzberishtit, përkatësisht:
Tokë arë/truall me sipërfaqe 2.464 m2, tokë arë/truall me sipërfaqe 1.822 m2 dhe tokë arë/truall me sipërfaqe 2.464 m2, ndodhur në zonën kadastrale (****), Yzberisht, Tiranë, përfituar sipas ligjit nr.7501.
Në banesë, gjatë këtij verifikimi, Nano deklaronte shuma parash në vlerën 1.500.000 lekë, që sipas tij i kishte përfituar nga shitja e një automjeti në vlerën 2.900 euro.
Nano deklaron disa makina:
Automjet Skoda me vlerë 16.655 euro
Automjet Toyota me vlerë 5.500 euro
Automjet Mercedes me vlerë 2.900 euro të cilin më pas e ka shitur
Në llogari bankare, Gledis Nano deklaron: Depozitë bankare, pranë Societe Generale Albania, për lindjen e djalit Aaron, në vlerën 1.000 lekë, dhe gjendja e kësaj llogarie sot është 1.343,12 lekë.
