Kujtim Gjuzi dhe Adriatik Alimadhi, ishin të ftuar në emisionin “Të Paekspozuarit”, të cilët do të votojnë për shkarkimin e Presidentit Meta. Gjuzi ka deklaruar se do të votojë pro shkarkimit, ndërsa Alimadhi shprehet se do të votojë kundër. Në studio, analistët kanë pyetur “se sa ka vajtur pazari” i deputetëve për të votuar në këtë proces.
Pjesë nga biseda:
Arjan Curri: Çfarë mund t’ja ndërrojë mendjen zotit Gjuzi?
Kujtim Gjuzi: Dorëheqja e Presidentit është akt qytetar.
Ylli Rakipi: Pse ju prisni të thotë ky që do lek…
Arjan Curri: Ky është një moment që vetëm një herë të vjen në jetë.
Kujtim Gjuzi: Cfarë ka ndodhur dihet, çfarë ndodh nuk dihet…
Arjan Curri: Kësaj rradhe duhet ta luani fort.
Artur Zheji: Kuptova që është hapur një ankand. Këto 16 votat me sa duket Taulant Balla që mbulon këtë sektor…
Ylli Rakipi: Ty Gjuzi nuk të kanë dhënë asnjë sinjal?
Adriatik Alimadhi: Kot nuk na dha drekë ky ne.
Kujtim Gjuzi: Te zyra e Taulant Ballës, Kujtim Gjuzi, sot dy vjet e një muaj, domethënë 25 muaj, nuk ka hyrë kurrë.
Arjan Curri: Ky rast nuk vjen më!
Kujtim Gjuzi: E di çfarë rasti nuk më vjen, të bëhem doktor i shkencave.
Adriatik Alimadhi: Unë e kam shpallur kundër dhe po pres.
Arjan Curri: Edhe Gjuzi e ka shpallur pro dhe po pret. Këtë kanë vendosur në drekë këta. Sa ka vajtur çmimi?
Adriatik Alimadhi: Keni kohë deri të mërkurën.
Arjan Curri: Sa është çmimi deri tani? Çdo gjë që nuk blihet me lekë, blihet me më shumë lekë. Mund të gjejmë sa lekë ka vajtur?
Adriatik Alimadhi: Këtë opozitë e keni degraduar shumë, nuk është nevoja të jetë i lartë pazari.
Arjan Curri: Shkon 10 milionë lekë? Kam parë deputetë të opozitës së re që po lëvizin me Mercedes të fundit, 100 mijë euro.