Policia e Katalonjës “Mossos de esquadra” në bashkëpunim me autoritetet italiane vunë në pranga shqiptarin e shumë kërkuar Florenc Nishku 28-vjeç, personi u cili vrau Spino Binjakun.
Autoritetet italiane njoftojnë se Florenc Nishku u kap pas 11 vitesh pasi ishte shpallur në kërkim.
Nishku konsiderohej si një kriminel i rrezikshëm i cili u dënua nga drejtësia italiane me burgim të përjetshëm si autori kryesor i vrasjes së shqiptarit Spiro Binjaku.
Krimi u krye në shtator të 2007 në komunën Botticino Sera në provincën e Breshias për motive të lidhura me trafikun e prostitucionit.
25-vjeçari Spiro Binjaku u godit me thikë në trup dhe ndërroi jetën në spital pas dy ditësh
Mësohet se dy shqiptarët merreshin me trafikun e prostitucionit dhe sherri midis tyre lindi për shkak të kontrollit të territorit të vajzave që i nxirrnin të punonin si prostitutë në rrugë.
Spiro Binjaku ishte përmendur shpesh nga mediat shqiptare për ngjarjen e shuarjes së familjes Mahmuti në Elbasan pas vrasjes së 3 anëtarëve të kësaj familje.
