Lushnje – Dy persona u ekzekutuan me armë zjarri pasditen e sotme në një atentat me armë zjarri në Lushnjes.
Dy persona kanë mbetur të vdekur nga breshëria e kallashnikovit, ndërsa një person i tretë raportohet se është plagosur rëndë. Viktima të këtij atentati kanë mbetur Zamir Latifi, 24 vjeç dhe Sajmo Xhelili. Ekzekutimi mafioz ka ndodhur në një zonë të pupulluar me dhjetëra qytetarë dhe të shtënat kanë shkaktuar panik. Deri më tani raportohet se një person ka mbetur i plagosur nga të shtënat me breshëri.
Ngjarja ka ndodhur pranë komisariatit të qytetit në zonën e njohur si “Ura e Përroit” . Mësohet se i plagosur është nipi i Also Bares , Xhulio Shkurti 21 vjeç. Burime pranë policisë bëjnë të ditur se i plagosur është nipi i Aldo Bares, ish-kapo i Bandës së Lushnjes i cili vuan dënimin me burgim të përjetshëm në një nga burgjet e sigurisë së lartë. Xhulio Shkurtit i është bërë atentat edhe disa kohë më parë ku mori një plumb në këmbë. Policia dhe grupi hetimor ndodhen në vendngjarje dhe po punojnë për zbardhjen e ngjarjes
Forca të policisë kanë mbërritur në vendngjarje dhe kanë rrethuar zonën.
