Policia e Tiranës ka zbardhur ngjarjen e ndodhur mbrëmjen e djeshme, ku mbeti i palgosur një i ri në zonën e Kinostudios.
Mësohet se rreth orës 20:20, në vendin e quajtur “Kinostudio”, pranë një Bar Kafe, është qëlluar me armë zjarri E. D., 34 vjeç, banues në Tiranë.
Nga hetimet e kryera nga policia ka rezultuar se autorë të dyshuar të kësaj ngjarje janë L. D., 30 vjeç, dhe E. D., 26 vjeç, të banues në Tiranë
E. D. është qëlluar me një armë zjarri të kalibrit 7.65 mm, i cili është plagosur në krahë dhe ndodhet në S.Q.U., nën kujdesin e mjekëve.
Në cilësinë e provës materiale janë sekuestruar tre gëzhoja të kalibrit 7.65 mm.
Personat e shpallur në kërkim, me të plagosurin, më parë kanë patur një konflikt midis njëri tjetrit, konflikt i cili është trajtuar nga Komisaraiti Nr 4.
Policia thotë se po punohet për kapje e autorëve të dyshuar të ngjarjes.
Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale “Vrasje me paramendim, mbetur në tentativë, në bashkëpunim” dhe “Prodhimi dhe mbajtja pa leje e armëve luftarake dhe e municionit”.
