Në panik për shkak të Kuvendit të 11 dhjetorit, ku pritet shkarkimi i tij, Lulzim Basha vazhdon përjashtimet nga PD.
Pas përjashtimit të Flamur Nokës, pas shkarkimit të kreut të PD në Fier dhe pas largimit të Oerd Bylykbashit, sot ishte radha e sekretares së PD në Sarandë, Matilda Qurku.
Ajo u shkarkua pa paralajmërim vetëm pse mbështeti ‘Foltoren’ e liderit historik demokrat, Sali Berisha.
Kryesia e degës lokale të PD në Sarandë kishte vendosur të mblidhej sot me rend dite përgatitjet për Kuvendin Kombëtar të 18 dhjetorit (siç duket edhe nga njoftimi i shpërndarë në WhatsApp), por në vend të kësaj, anëtarët kanë hedhur në votim shkarkimin e Sekretares së Degës, e cila nuk ka qenë e pranishme në mbledhje.
Reagimi
Dega e Sarandës sot ka patur një mbledhje Kryesie me rendin e njoftuar më poshtë (fotua bashkë ngjitur)
Në këtë mbledhje unë nuk pata mundësi të marr pjesë për arsye familjare por sapo më njofton një antarë Kryesie prezent në mbledhje që qenkam shkarkuar dhe paskan bërë edhe propozime për zëvendësimin e pozicionit tim ..
Zyrtarisht nuk kam asnjë njoftim nga pengmarrësit e vulës dhe selisë qëndrore,por asnjë problem..
Ndihem e nderuar që më kanë shkarkuar pasi zgjodha të jem në krah të demokratëve dhe jo servile…
Shihemi në datën 11 Dhjetor në Kuvendin e Demokratëve.
