Nënkryetari i Partisë Demokratike, Luçiano Boçi, ka ironizuar përmes një statusi në rrjete sociale kryeministrin Edi Rama i cili tha sot se Abetarja e përbashkët Shqipëri-Kosovë është një sfidë që u realizua në kohë.
Boçi i kujton Ramës se kjo histori nuk ka filluar me të, ndërsa i tregon se Berisha në 100-vjetorin e Pavarësisë së Shqipërisë, prezantoi në Prizren këtë nismë. Berisha asokohe e quajti ‘Abetaren e Përbashkët’ si kurorën e 100-vjetorit të Pavarësisë.
Statusi i Luçiano Boçit
Një kujtesë e detyruar për Edi Ramën që kujton se historia fillon me të‼️ Në 100 vjetorin e Pavarësisë së Shqipërisë në qytetin e Prizrenit, Shqipëria dhe Kosova prezantuan “Abetaren e Përbashkët”!
Kryeministri Berisha e cilësoi librin e përbashkët gjatë prezantimit si kurorën e 100 vjetorit të Pavarësisë! Ju ftoj ta ndiqni dhe ta shpërndani këtë kujtesë të detyrueshme për Edi Ramën që sot flet sikur historia nisi dhe do të përfundojë me atë!
