Diaspora shqiptare në ditën e dytë të protestës para godinës së kryeministrisë ka përçuar mesazhe të qarta për qeverisjen dhe aktorët politikë në vend.
Ata u shprehën se kryeministri Rama ka mbaruar, ndërsa bënë thirrje që të shporret një orë e më parë kjo klasë politike dhe sistemi zgjedhor, që po mban peng të gjithë shqiptarët.
Kujtojmë se protestës së emigrantëve shqiptare i janë bashkuar dhe banorët e Astirit, emigrantët, artistët dhe studentët. Protesta, ka bashkuar disa kauza, për të cilat ata kërkojnë zgjidhje nga kryeministri. Banorët e Astirit, pasi bllokuan rrugën për disa minuta iu bashkuan protestuesve të tjerë.
“Ky kryeministër ka mbaruar, ju bëj thirrje gjithë shqiptarëve të ngrihen e t’i shporrin, te vënë një standard mos i lini më shumë nëse nuk mbajnë premtimet”, tha një protestues.
Protestuesit janë të indinjuar dhe kërkoi që të zgjohet një orë e më parë ndërgjegjja shoqërore. “Kur na kanë dhënë mundësinë e ndërgjegjes shoqërore, vetëm në zgjedhje? Është një sistem i tërë që na jep një Kushutetutë, por jo të drejta. Është një sistem i cili nuk ka çfarë të na ofrojë më shumë. Vetën duke larguar këto gjëra, mund të kemi një të ardhme. Ne i kemi parë të gjitha, skemi çfarë të shohim më. Këta duhet të ikin”, është refreni i tyre.