Në të gjithë botën numri i përgjithshëm i të identifikuarve të infektuar me Covid është rritur në më shumë se 26 600 mijë
Sipas të dhënave të Universitetit Johns Hopkins, totali i vdekjeve që prej fillimit të pandemisë ka shkuar në më shumë se 870 mijë
Në grafikun e pandemisë, SHBA-ja kryeson renditjen me gati 118 mijë viktima, e ndjekur nga Brazili me 125 500 vdekje dhe India, me mbi 68,000 persona që kanë humbur jetën.
Shtetet e Bashkuara kanë arritur shifrën e 6,198,996 rasteve të konfirmuara të vdekjeve COVID-19 . Gjatë 24 orëve të fundit u regjistruan më shumë se 49700 të identifikuar të rinj me Covid dhe 942 viktima
Sipas një vlerësimi të Institutit të Metrikës dhe Vlerësimit të Shëndetit të Universitetit të Uashingtonit, deri më 1 janar në SHBA mund të regjistrohen më shumë se 410 mijë vdekje nga infeskioni kurse totali i të prekurve do të rritet më shumë se dyfish krahasuar me shifrat aktuale.
Vlerësimi gjithashtu thekson se nëse nga administrata amerikane dhe guvernatorët e shteteve nuk ndiqet një strategji e qartë që do të përpiqet të frenojë përhapjen e pandemisë, deri më 1 janar numri i të vdekurve mund të rritet në 620,000 dhe mund të ketë deri 3000 viktima në ditë nëse nuk respektohen masat
Teksa në të gjithë Europën po rriten me shpejtësi shifrat e pandemisë, në Gjermani rastet e reja të identifikuara pothuajse janë dyfishuar në vetëm 24 orë
Sipas Institutit Robert Koch, gjatë 24 orëve të fundit janë regjistruar 1378 infeksione të reja dhe dy viktima, pothuajse dyfish krahasuar me një ditë më parë kur u raportuan 782 raste dhe asnjë vdekje.
Sipas autoriteteve shëndetësore, numri i përgjithshëm i infeksioneve në Gjermani është rritur në 248,997 kurse totali i atyre që kanë humbur jetën prej pandemisë është 9324
