Prej disa ditësh Gjon Muharremaj, ndodhet në Shqipëri dhe që prej ditës që ka zbritur në aeroport ai ka dhënë intervistat njëra pas tjetrës.
Pas Anxhelës, edhe Gjon u “kryqëzua” nga mediat serbe, të cilët nuk i kursyen komentet negative ndaj Gjon për shqiponjën që bëri në “Eurovision”.
Ky symbol, u pa si politik nga serbët dhe së fundmi Gjon ka dy fjalë për të gjithë ata që e gjykuan.
“Mbështejen e Shqipërisë unë kurrë nuk e harroj. Me të vërtetë e kam në zemër dhe me të vërtetë njerëzit që më suportojnë që nga fillimi i mbaj në zemrën time. Mediave të Zvicrës i kam thënë që e kam bërë se ishte një mënyrë për ta përshëndetur dhe falenderuar Shqipërinë për 12 pikët dhe gjithë mbështetjen që më kanë dhënë që nga fillimi. Do ta bëj gjithmonë shqiponjën”, tha Gjon për “ABC e pasdites”.
