Gazmend Bardhi, në zgjedhjet e ardhshme parlamentare, do të udhëheqë listën e PD-së, në qarkun e Elbasanit.
Pak më pare, është konfirmuar dhe lajmi që ka qarkulluar prej kohësh se; Edi Paloka, do të jetë drejtuesi politik i PD-së në qarkun e Durrësit, qark ky që në zgjedhjet e fundit, ka treguar se është edhe një nga më deçizivët, sa i takon ngushtësisë së rezultatit mes palëve.
Kryedemokrati Basha, qarkun e Durrësit ia ka besuar Palokës, i cili mban njëherësh dhe postin e Nënkryetarit në Partinë Demokratike. Kujtojmë që; Rama ka vënë si drejtues politik për qarkun e Durrësit, Olsian Çelën e OSHEE-së.
Partia Demokratike, ka zgjedhur drejtuesit politik për tre qarqe, përfshirë edhe atë të Durrësit. Në Fier, u përzgjodh Enkelejd Alibeaj, ndërkohë që në Shkodër demokratëve, do t’u prijë Helidon Bushati. Mbetet për t’u parë zgjedhjet e demokratëve dhe për 9 qarqe të tjera në vend.
