Kryeministri Edi Rama në konferencën e fundvitit të ditës së sotme konfirmoi se do kandidojë sërish për deputet në Vlorë, prej ku dhe ka marrë dhe mandatin aktual.
I pyetur nga gazetarët ai u përgjigj se, “Keni lexuar apo dëgjuar për ndonjërin që ikte nga Vlora nëse ka një lidhje me Vlorën? Unë di se kush ka një lidhje me Vlorën nek e harron dot asnjëherë”.
Lidhur me zgjedhjen e Presidentit që do mbahet verën e vitit që vjen, dhe deklaratës së Kreut të Shtetit aktual Bujar Nishani për të rikandiduar, Rama tha se zgjedhja e Presidenti nuk është si në Amerikës, pavarësisht dëshirës dhe ambicies personale.
Në këtë drejtim tha se “Presidentin e ri do e vendosë Aleanca për Shqipërinë Europiane. Emri i Presidentit të ri do jetë në vitin 2017, jemi ende në 2016. Nuk jemi keq për një emër”
