Komisioni Qendror i Zgjedhjeve ka nxjerrë rezultatet preliminare të zgjedhjeve parlamentare të parakohshme të 28 dhjetorit në Kosovë.
Me 97, 11% të të dhënave të procesuara, prin Lëvizja Vetëvendosje, pasohet nga Partia Demokratike e Kosovës. Lidhja Demokratike e Kosovës është e treta dhe e katërta parti shqiptare që siguron përfaqësim në Kuvend është Aleanca për Ardhmërinë e Kosovës.
Sipas këtyre të dhëna, Lëvizja Vetëvendosje do ta ketë shumicën parlamentare duke siguruar 56 deputetë, PDK merr 23 ulëse, LDK 15 dhe AAK 6, ndërkohë që NISMA Socialdemokrate nuk e kaloi pragun prej pesë përqind për përfaqësim në parlament.
Krahasuar me zgjedhjet e 9 shkurtit të këtij viti, Vetëvendosje rritet për 8 mandate, PDK tkurret me një e zvogëlimin më të madh do ta ketë LDK-ja që nga 20 ulëse tkurret në 15.
Lidhur me këtë fitore të Albin Kurtit, ka ardhur dhe një urim nga kryeministri Edi Rama. Në një postim në rrjetet sociale kreu i qeverisë shqiptare shprehet se mandati i tij i konfirmuar nga populli të kthehet në sukses e në mbarësi për Kosovën.
“E kam uruar kryeministrin e rizgjedhur të Kosovës, për fitoren domethënëse dhe uroj që mandati i konfirmuar nga populli i Kosovës për Albinin e për partinë e tij, të kthehet në sukses e në mbarësi për Kosovën, si edhe për marrëdhënien vëllazërore mes dy shteteve tona. Gëzuar!”, shkruan Rama.
