Gazetari Sokol Balla, është paraqitur sot në ambjentet e Prokurorisë së Posaçme, SPAK, për tu marrë në pyetje lidhur me hetimet që po zhvillohen ndaj Belinda Ballukut.
Burime për Syri bëjnë me dije se Balla është ftuar nga prokurori Dritan Prençi, dhe po merret në pyetje si person që ka dijeni lidhur me dosjen “Balluku”.
Ndërkohë ditën e sotme pritet të mblidhet Këshilli i Mandateve me drejtues kryetarin e Kuvendit, Niko Peleshi për të shqyrtuar kërkesën e SPAK.
Nëse miratohet heqja e imunitetit, autoriteteve do t’u hapet rruga për të vijuar me procedurat ligjore ndaj Ballukut, përfshirë masat e mundshme të sigurisë, si arrest me burg, arrest shtëpie apo kontroll banese.
Mbledhja zhvillohet pas vendimit të Gjykata Kushtetuese, e cila rrëzoi kërkesën e qeverisë për pezullimin e vendimit të Gjykata e Lartë që kishte shkarkuar zv/kryeministren nga funksionet publike.
