Disa fshatra në Librazhd kanë mbetur pa energji elektrike. Mësohet se shtylla e tensionit të lartë do të çmontohet nga OST, pas shembjeve të dherave në Dragostunjë.
Energjia elektrike do të mungojë deri në orën 17:00. Zona të prekura nga ndërprerja janë: Babje, Buzgar, Drapata, Dragostunjë, Ferrë, Frarë, Hotolisht, Gurëkuqe dhe HEC-i Xhyrë.
Kujtojmë që situata në këtë aks është përkeqësuar gjatë ditës së sotme.
Rruga dytësore, e cila ishte hapur për të mundësuar kalimin provizor të mjeteve, ka pësuar një fundosje dhe rrëshqitje shkatërrimtare të një sipërfaqeje të madhe toke.
Lëvizja masive e dheut ka dëmtuar seriozisht punën e kryer ditët e fundit, duke e bërë të pakalueshëm për një kohë të gjatë këtë segment strategjik rrugor.
Po ashtu është ndaluar edhe qarkullimi i këmbësorëve, si dhe është vendosur sinjalistika për rrezikun që paraqet ky segment rrugor.
