Qindra qytetarë u mblodhën sot në sheshin “Skënderbeu” në Prishtinë për të ndjekur drejtpërdrejt shpalljen e aktgjykimit ndaj ish-krerëve të Ushtrisë Çlirimtare të Kosovës në Dhomat e Specializuara në Hagë.
Pas shpalljes së dënimeve, në shesh janë parë qytetarë të përlotur dhe të trishtuar, ndërsa tek të pranishmit është krijuar një atmosferë e rënduar.
Trupi gjykues shpalli fajtorë Hashim Thaçin, Kadri Veselin, Jakup Krasniqin dhe Rexhep Selimin, duke i dënuar me gjithsej 81 vjet burgim.
Thaçi u dënua me 25 vjet, Krasniqi me 25 vjet, Veseli me 18 vjet, ndërsa Selimi me 13 vjet burgim. Koha e kaluar në paraburgim do t’u llogaritet në vuajtjen e dënimit, sipas vendimit të gjykatës.
Vendimi u ndoq në ekranin e vendosur në sheshin “Skënderbeu”, ku pas shpalljes së dënimeve u vu re një atmosferë e rënduar dhe emocionale mes qytetarëve të pranishëm.
