Banorët e fshatrave Bellovë, Rabdisht, Cerjan e Zagrad në Bashkinë Dibër protestojnë pasi thonë se prej 30 vitesh nuk është ndërhyrë asnjëherë në këtë aks rrugor që lidh ata me Peshkopinë.
“Nuk kanë vendosur asnjë gur. Rrogën e marrin por punë nuk bëjnë. Duam vetëm rrugën. Nuk kërkojmë as bukë as ujë, kërkojmë rrugë” thonë protestuesit
Gjatë reshjeve të shiut e të dëborës, situata bëhet edhe më e vështirë.
Premtime kanë marrë shpesh, punë asnjëherë.
“Jemi të zhgënjyer. Kanë ardhur kanë marrë votën janë bërë deputetë por për ne asgjë” thonë protestuesit
Në prag të zgjedhjeve të përgjithshme, votën e japin vetëm për atë që do u bëjë rrugën.
“Kush na premton se do të na rregullojë rrugë i japim votën” thotë një protestues tjetër.
Një prej këtyre fshatrave, Rabdishti është edhe pjesë e programit të qeverisë “100 fshatrat turistikë” por Bashkia e drejtuar nga Dionis Imeraj, nuk është munduar të bëjë as rrugën
Banorët e fshatrave Bellovë, Rabdisht, Cerjan e Zagrad në Bashkinë Dibër kanë dalë në protestë këtë të shtunë për gjendjen e keqe të rrugës së tyre që i lidh me qytetin e Peshkopisë.
Në këto kushte banorët paralajmërojnë bojkot të zgjedhjeve të 25 Prillit.
I pranishëm në këtë protestë ishte edhe kandidati i PD për Qarkun Dibër në këto zgjedhje, Luan Haka.
