Ekspozita “Kaloi një grua” e piktorit dhe profesorit Gazmend Leka himnizon portretin e gruas, të zhveshur nga të gjitha truket, ku bashkohet harmonia femërore me harmoninë mëmësore. Leka rrëfen se si erdhën tek ai këto punime, ndërsa kuratori Ermir Hoxha ndalet tek e kuqja e munguar e pasionit.
“Kaloi një grua” është ekspozita e fundit e piktorit dhe profesorit Gazmend Leka, çelur në galerinë FAB. Një grua që hera-herës u afrohet perëndive, pa tentuar të mitizohet, vjen ashtu qartë si drita në 15 tablotë në vaj e 13 vizatime, për të himnizuar të bukurën tokësore, gruan-poezi, atë që adhurojmë çdo ditë pa truket e make up-it, atë që është fillesa e gjithçkaje, nga lind dhe merr krahë një jetë. Në një intervistë për Syri Tv, profesor Gazmend Leka rrëfen se si erdhën te shpirti i tij i ndjeshëm këto punime.
Detaji që intrigoi kuratorin Ermir Hoxha ishte mungesa e ngjyrës së kuqe, që donte ta lidhte me pjesën e erosit standard, i cili është komplet ndryshe nga nudot që propozon Leka:
Për të gjithë dashamirësit e artit, ekspozita do të qëndrojë e hapur në Galerinë e Arteve të Bukura deri më datë 12 nëntor.
