Ish kryeministri Sali Berisha akuzoi maxhorancën se duke praktikuar vjedhjen diskriminon Shqipërinë rurale, diskriminon të përndjekurit politikë apo ish pronarët.
Sali Berisha: Në një kohë kur burrat e zonjave marrin dhjetra mijëra metra katrorë për të ndërtuar resorte turstike gjatë 9 viteve nuk është kthyer asnjë metër katror pronë pronarëve por është bërë ligji pothuajse për të konfiskuar pronat e tyre. Dhe ata para që u ndani u marrin 30% sekserët”
Një tjetër rast diskriminimi, Berisha solli refuzimin e maxhorancës për të votuar Simon Mirakën në postin e autoritetit të Verifikimit të dosjeve.
PS kushtëzon Simon Mirakën: Hiq nga lista ‘katranin me bojë” ose s’të emërojmë tek Autoriteti i Verifikimit të Dosjeve
Sali Berisha:“Një akti i shëmtuar. Refuzuat Simon Mirakën, njërin nga ikonat e vuajtjes së persekutimit. I fshinë emrin për të shkuar komisioner në Autoritetin e Verifikimit të dosjeve. Diskriminimi juaj ndaj qytetarëve është I pakufishëm”
Në replikë Balla bëri edhe një herë të qartë se do ta votojnë nëse ai heq nga lista emrin e Berishës të cilën e etiketoi “katrani me bojë”
Taulant Balla:”I bëj thirrje firmëtarëve të heqin emrin e katranit e të vijnë me një listë të re. Kemi kohë në dispozicion. Le ta risjellin. Të marrë si ishte Bajram Curri në 2013, e si është sot. Si është rruga për të shkuar në Valbonë dhe sot”
Në replikë Berisha tha: Kur s’ke turp thua gjithçka! Për hir të qytetarëve unë sqaroj se nga 2006 – 2013 nga Sopoti në Golaj, e Qafë Morinë, Bajram Curri, e Valbonë janë ndërtuar e rindërtuar 280 km rrugë.
Nga këto rikujtoj Qafë Mali – Fierzë, rrugën Lekbibaj, Kërnajë- Ballaban. Rruga e Valbonës pati problem por u ndërtua me 80% . U ndërtuan rrugë e ura. Distanca Tirana Tropojë falë ndërtimit të rrugës së Kombit nga 9 orë u bë 3.5 orë. Gjatë kësaj qeverisjeje është investuar në rrethin e Tropojës vetëm 2/3 e investimit të rrugës Bajram Curri Lekëbibaj. Diskriminim absolute total.
