Kryetarja e LSI-së, Monika Kryemadhi, ka rrëfyer se grupi i inceneratorëve, Stela Gugallja dhe Mirel Mëriti jetojnë në Vjenë dhe po luftojnë që të marrin azil politik.
“Janë bashkëjetues dhe jetojnë në Vjenë. Po luftojnë për të marrë azil politik”, tha Kryemadhi.
Referuar akuzave të cilat janë ngritur nga një media austriake se Meta dhe bashkëshortja e tij kishin paguar 700 mijë dollarë për të marrë pjesë në inaugurimin e presidentit Donald Trump, në janar 2017, Kryemadhi tha se është një artikull i rremë dhe është sposorizuar nga Gugallja dhe Mirel Mëritiri.
“Është një fletushkë. Që nuk merr përsipër as të vendosë emrin e artikullshkruesit. Grupi i Vjenës, ku Stela Gugallja, Mirel Mërtiri, grupi i inceneratorëve që jetojnë në Vjenë, paguajnë para të shtrenjta për qiratë. Të subencionuara dhe të nxitura nga zyra e kryeministrit Edi Rama. Në grahmat e fundit të një sulmi që mund të ndodhë së shpejti sepse dosja e inceneratorëve po pasurohet”, u shpreh Kryemadhi.
