Një 30-vjecar ka rënë në pranga, pasi akuzohet se i ofroi rryshfet një efektivi të Rrugores.
Arrestimi i Alfons Jakut u bë në aksin rrugor Mjedë – Shkodër, pasi i ka ofruar 1000 lekë punonjësit të policisë së qarkullimit rrugor, me qëllim që ti shmangej masës administrative pasi po qarkullonte pa rrip sigurimi.
Në video dëgjohet polici që pyet shoferin “pse i dhe lekë policit?”. Ndërsa shoferi, përpara arrestimit i përgjigjet, “për një kafe për qejf”.
“Nga Seksioni Kundër Korrupsionit në D.V.P-Shkodër, u kryen të gjitha veprimet hetimore ku shtetasi u arrestua në flagrancë për veprën penale “Korrupsion aktiv ndaj personave që ushtrojnë funksione publike” parashikuar nga neni 244 i Kodit Penal. Materialet proçeduriale iu referuan Prokurorisë së Rrethit Gjyqësor Shkodër për veprime të mëtejshme”, njofton Policia.
