Ka nisur votimi për zgjedhjen e Kryetares së re të Kuvendit të Shqipërisë në këtë sesion të dytë të legjislaturës së X parlamentare.
Deputetët demokratë kanë zgjedhur një formë simbolike për të shprehur vendimin e tyre kundër zgjedhjes së Lindita Nikollës në krye të Kuvendit.
Ata kanë vendosur të grisin fletën e votimit dhe ta hedhin përtokë jashtë kutisë së votimit.
Një veprim simbolik që tregon shumë mbi marrdhëniet pozitë-opozitë që pritet të ketë në këtë sesion parlamentar.
Vendimi kundër zgjedhjes së Lindita Nikollës u mor në mbledhjen e grupit parlamentar të Partisë Demokratike pak para nisjes së seancës dhe duket se demokratët po e zbatojnë me përpikmëri vendimin e marrë.
Ndërkohë që kryeministrin Rama nuk e ka pritur një veprim të tillë pasi kamerat kanë kapur fytyrën e tij të habitur, me një mimikë që flet shumë:
