Personi më i ri që ka fituar lotari në Britani është një vajzë e quajtur Xhejn Park. Ajo fitoi rreth 1.25 milion dollarë kur ishte 17 vjeçe, tani që është rritur është penduar e thotë që ishte shumë e re në moshë për t’u përballur me një pasuri të tillë.
Vajza këmbëngulte që lotaria i kishte shkatërruar jetën. Ndihej 10 herë më keq se para se të fitonte. “Jeta ime do të kishte qenë shumë më mirë po të mos kisha fituar”, tha 21 vjeçarja, duke shtuar që e merrte malli për kohën kur lodhej për të fituar rrogën në fund të muajit, dhe se blerjet nëpër dyqane tani i janë bërë të mërzitshme.
Ajo thotë që lotaria i ka vështirësuar punën për të gjetur një të dashur që nuk e do për para. Ajo thotë se dështimet në dashuri kanë qenë aq të shumta, sa ka paguar një psikologe që ta bëjë “grua për shtëpi” e që të tërhiqte vetëm meshkuj që ta donin vërtet.
Pasi dështoi për këtë, ajo pati idenë të hapte një faqe interneti e të kërkonte kandidatë që do të pranonin të ishin i dashuri i saj për 70 mijë euro në vit. Kështu do të kishte mundësinë që ta zgjidhte me kujdes personin që do të rrinte të paktën një vit me të.
