Qindra anëtarë të Policisë së Armatosur Popullore të Kinës, mund të shiheshin duke ushtruar stërvitje të enjten në një stadium sportiv në Shenzhen, pasi Departamenti i Shtetit i SHBA shprehu shqetësimin se ata mund të vendosen përtej kufirit në Hong Kong, për të prishur protestat që po shkatërrojnë qytetin.
Por diplomatët perëndimorë dhe aziatikë në Hong Kong thanë që Pekini ka pak oreks për të nxjerrën Ushtrinë në rrugët e Hong Kongut.
Të enjten ushtarët mund të shiheshin në stadium dhe britmat e bilbilave mund të dëgjoheshin, tha një gazetar i Reuters. Stadiumi është ngjitur me një kompleks të shitjeve me pakicë dhe blerësit ishin duke rrotull rreth zonës, megjithëse hyrjet në stadium ishin të mbyllura.
Hapësirat e parkimit në stadium ishin të mbushura me më shumë se 100 automjete paramilitare me ngjyrë të errët, përfshirë kamionë trupash, transportues të blinduar të personelit, autobusë dhe xhipa. Të paktën ishin tre kamionë të blinduar dhe dy automjete që mbanin ujë.
“Kjo është hera e parë që kam parë një mbledhje kaq të madhe të forcave ushtarake,” tha Yang Ying, një pritëse në qendrën Wellness brenda kompleksit të shitjes me pakicë të stadiumit.
“Ka pasur ushtrime në të kaluarën, por zakonisht ato përfshijnë policinë e trafikut,” shtoi ajo. “Miqtë tanë, media sociale të gjithë thonë se është për shkak të Hong Kongut.”
Trupat marshuan brenda dhe jashtë stadiumit Shenzhen, disa me bluza të zeza dhe pantallona kamuflazhi.
Mediat shtetërore kineze kanë bërë disa reportazhe të ushtrimeve në Shenzhen.
