Grabitje me armë zjarri pranë Hipotekës së Tiranës.
Persona të maskuar kanë grabitur me armë një bankë të nivelit të dytë. Autori i armatosur dhe me kapuç ka grabitur një sportel, që mbledh lekët e shërbimeve të treta.
Nuk dihet ende shuma që kanë mundur të marrin grabitësit, ndërsa mësohet se sporteli ndodhej brenda godinës së Hipotekës.
Siç raportohet nga dëshmitarët në vendngjarje, autorët janë larguar me me një ‘BMW X5’ ngjyrë gri.
Sipas policisë, që është lajmëruar me anë të një telefonate, grabitja ka ndodhur rreth orës 14:00.
Një person i maskuar me kapuç, është futur brenda mjediseve të zyrave të Hipotekës, në filialin e Postës Shqiptare dhe nën kërcënimin e armës ka vjedhur një shumë ende të papërcaktuar lekësh.
Në njoftimin e policisë thuhet se specialistët kundër krimeve po punojnë për sqarimin e plotë të rrethanave të ngjarjes dhe identifikimin dhe kapjen e autorit.
