Presidenti i Komisionit Europian Jean Claude Juncker nxiti vendet e Ballkanit Perëndimor të vijojnë me shpejtësi reformat ne mënyre qe të përshpejtojnë integrimin. Në një seancë ne Bruksel ku u diskutua mbi të ardhmen e Europës ai, ka bërë të qartë se vendet e rajonit nuk do t’i bashkohen unionit domosdoshmërish deri në vitin 2025. Më pare, ato duhet patjetër të përmbushin kushtet. “Nuk po themi se vendet e Ballkanit Perëndimor do të anëtarësohen në BE deri në vitin 2025. Kjo është një datë treguese, një perspektivë për të motivuar vendet për të vazhduar reformat. Dhe le të jemi të qartë: asnjë vend nuk mund të bashkohet me BE përpara se të zgjidhin mosmarrëveshjet dypalëshe.” Juncker ka folur specifikisht për Serbinë dhe Malin e Zi duke i përcaktuar ato si vendet që kanë bërë progres të dukshëm dhe pritet që deri në vitin 2019 ato të zgjidhin mosmarrëveshjet duke shtuar kështu mundësitë për anëtarësimin.
