Kolegji i Posaçëm i Apelimit vendosi sot shkarkimin nga detyra të Bashkim Dedjas, kreut të Kushtetueses.
Kolegji arsyetoi se vendimi për shkarkimin e tij u mor sepse subjekti në fjalë kishte më shumë pronësi nga ç’pritej.
Nërkaq, KPA gjeti pasaktësi në deklarimin e Dedjas, për sa i takon një apartamenti në Golem, dhe një në Tiranë.
Trupi gjykues kryesohej nga Ardian Hajdari, me relator Luan Dacin si edhe anëtarët: Albana Shtylla, Natasha Mulaj, Rezarta Schuetz.
Në momentin që u mor vendimi, Dedja nuk ishte i pranishëm në sallë, dhe përfaqësohej nga avokati Maksim Haxhia, i cili në përfundim të mbledhjes nuk kishte dashur të prononcohej për mediat.
Gjykata Kushtetuese tani mbetet vetëm me një anëtare, Vitore Tushën.
Kryegjykatësi kushtetueses Dedja e kaloi me sukses testin e vettingut në shkallën e parë. Ndërsa vendimi i Komisionit të Pavarur të kualifikimit u ankimua nga Komisioneri Publik dhe nga ONM.
