Policia e Korçës ka realizuar disa aksione për kapjen e personave që japin ndihmë për kalim të paligjshëm të kufirit për shtetasit e huaj. Gjatë operacionit janë arrestuar më shumë se 20 persona, të cilat janë kryesisht të moshave të reja nga 19-23 vjeç.
Në ditët fundit policia e Korçës në bashkëpunim me forcat lëvizëse apo policinë kufitare kanë kryer disa operacione për kapjen e personave që japin ndihmë për kalim të paligjshëm të kufirit për shtetasit e huaj.
Gjatë operacionit janë arrestuar më shumë se 20 persona, të cilat janë kryesisht të moshave të reja nga 19-23 vjeç.
Ndërkohë 1 ditë më parë u arrestuan 9 persona mes tyre një femër dhe disa kosovarë që bënin këtë lloj trafiku.
Policia kufitare dhe FRONTEX e cila është vendosur në kufirin e gjelbër ndalon pothuajse çdo ditë mesatarisht 30 deri në 40 refugjatë.
Sipas policisë është rritur numri i shtetasve që vijnë nga vendet në konflikt, por edhe personat që iu sigurojnë atyre lëvizjen kundrejt pagesave prej 150€ drejt Tiranës, Shkodrës apo vendeve bregdetare për të ikur më pas drejt vendeve të BE-së.