Deputeti ukrainas, Oleksii Goncharenkjo, ka kërkuar që Kosova të njihet si shtet i pavarur nga të gjitha vendet e Këshillit të Evropës. Gjatë fjalës së tij në Asamblenë Parlamentare të KiE, Oleksii Goncharenkjo u shpreh se “Kosova duhet të ulet me ta, të jetë pjesë e Këshillit të Evropës dhe vetëm kështu mund të bëhemi më të fortë.
“Këtë dua ta them veçanërisht për Kosovën. Kosova duhet të njihet nga të gjitha vendet e Këshillit të Evropës. 12 vende ende nuk e kanë njohur, ju drejtohem, ju lutem ta njihni këtë vend si shtet të pavarur siç luftuan ata për të ardhmen e tyre, për pavarësinë e tyre dhe duhet të ulen këtu së bashku me ne, duhet të jenë pjesë e Këshillit të Evropës dhe vetëm kështu ne mund të bëhemi më të fortë. Të gjithë duhet ta bëjmë këtë dhe së bashku të ecim përpara”, tha ai duke mbyllur fjalimin shqip: “Kosova është Evropa”.
Fjala e Goncharenkjo është publikuar në Twitter nga Presidentja e Kosovës Vjosa Osmani shoqëruar me mbishkrimin: ““Fjalim i fuqishëm nga deputeti Oleksii Goncharenkjo për të drejtën e Kosovës për t’u ulur në mesin e evropianëve të tjerë në Këshillin e Evropës. Kosova dhe Ukraina qëndrojnë në anën e lirisë, demokracisë dhe të drejtave të njeriut.”
Kosova është Evropë!
A powerful speech from MP @GoncharenkoUa on Kosovo's right to sit amongst fellow Europeans at the Council of Europe.
Kosovo and Ukraine both stand on the side of freedom, democracy and human rights. 🇽🇰🇺🇦 pic.twitter.com/e8MPP1QXiA
— Vjosa Osmani (@VjosaOsmaniPRKS) October 11, 2022
