Ministri i Drejtësisë, Ulsi Manja ka kërkuar nga opozita që të votojnë projektligjin për pastrimin parave, i cili po diskutohet sot në Kuvend.
Manja ka pasur një përplasje me deputeten e PD, Ina Zhupa, të cilës i ka thënë se ai është i gatshëm vetë të përballet me çdo institucion të Drejtësisë shqiptare dhe atyre të huajave.
“Je deputete rishtare (i drejtohet Zhupës), ndryshe nga kryetari juaj që keni tani, që heziton të shkojë para autoriteteve dhe të jap shpjegimeve unë kam qenë dhe jam i gatshëm të paraqitem para çdo autoriteti në vend dhe jashtë.
Ulsi Manja si deputet si prokuror, deputet dhe ministër nuk ka firmosur dhe nuk do firmos nxjerrjen e kriminaleve nga burgu. Kur t’më drejtosh gishtin herës tjetër interesohu pak se kush është Ulsi Manja”- tha ai ndër të tjera.
