Reperi i njohur shqiptar Noizy është ndaluar në qytetin e Durrësit pasi drejtonte mjetin pa leje drejtimi dhe kishte gjoba të papaguara.
Policia e Durrësit njofton se ka nisur procedim penal ndaj Rigers Rajku, 30 vjec, që të gjithë e njohin si këngëtarin Noizy, pasi ky eshte emri i artit qe ai perdor.
Noizy ka qënë duke udhëtuar në segmentin rrugor Ura e Dajlanit- Plepa, duke drejtuar mjetin e tij tip Benz, AA 517 MT. Uniformat blu i kanë kërkuar dokumentacionin e mjetit dhe nga kontrolli u evidentua se nuk kishte leje drejtimi me vete dhe gjoba të papaguara.
Në vijim i është dhënë urdhër që të shoqërohet në ambientet e Komisariatit, deri në momentin që ndonjë person të sillte lejen e tij të drejtimit dhe të paguante gjobat, por Noizy nuk i është bindur punonjësve të policisë dhe është larguar së bashku me mjetin.
Efektivët janë vënë në ndjekje të tij dhe kanë bërë të mundur kapjen dhe shoqërimin e tij së bashku me mjetin në Komisariat. Mjeti është sekuestruar.
Deklarata e policise:
Specialistët për Krimet në Komisariatin e Policisë Durrës filluan procedimin penal në ngarkim të shtetasit Rigers Rajku 30 vjeç, banues në Durrës.
Më datë 16.12.2016, në segmentin rrugor Ura e Dajlanit-Plepa ,duke drejtuar mjetin tip Benz me targa AA 517 MT, është ndaluar nga Efektivet e Qarkullimit Rrugor.
Uniformat blu i kanë kërkuar dokumentacionin e mjetit dhe nga kontrolli u evidentua se nuk kishte leje drejtimi me vete dhe gjoba të papaguara.
Në vijim i është dhënë urdhër që të shoqërohet në ambientet e Komisariatit, (deri në momentin që ndonjë person të sillte lejen e tij të drejtimit dhe të paguante gjobat), por ai nuk i është bindur punonjësve të policisë dhe është larguar së bashku me mjetin.
Menjëherë Efektivet e Policisë janë vënë në ndjekje të tij dhe kanë bërë të mundur kapjen dhe shoqërimin e tij së bashku me mjetin në Komisariat. Mjeti është sekuestruar.
Pas kryerjes së veprimeve procedurale materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Mosbindja ndaj urdhërit të punonjësit të policisë së rendit publik”parashikuar në nenin 242 të Kodit Penal.
