Pas shpenzimit të më shumë se 146 milionë lekëve për tre herë rresht për rikualifikim, Bashkia e këtij qyteti ka rilevuar një tjetër fond prej 76 milionë lekësh për këtë bulevard.
Shkak i përsëritjes së punimeve duket se është bërë cilësia e punimeve dhe materialeve të përdorura.
Inxhinierët kanë vendosur që edhe këtë radhë rruga e makinave të shtrohet me kalldrëm, por kjo e bën sa të vështirë aq edhe të papërshtateshme për qarkullimin e automjeteve.
Të njëjtin problem inxhinierët hasën edhe me bulevardin “Epidam”, por në fund iu dha zgjidhje duke e shtruar me beton e asfalt rrugën e makinave.
Qytetarët i konsiderojnë papërgjegjshmëri investimet e herë pas hershme në këtë bulevard.
“Diçka e tepërt duket në raport me shpenzimet që bëhen dhe konsumin e shpejtë që kalon.”
“Është mirë të bëhet diçka cilësore, taksat tona por kush po na pyet ne popullin!”
“Çudi e madhe, punohet pa cilësi.”
Sipas tyre punimet po kryhen në një kohë të papërshtatshme, gjatë orëve të paradites dhe në kulmin e sezonit turistik.
“Tani vinë turistë, emigrantë.”
Vetëm dy ditë më parë, kryetari i PD-së Durrës, Ferdinand Xhaferaj, denoncoi në një konferencë për shtyp abuzimet me rikonstruksionin e bulevardit kryesor të qytetit.
