Në emisionin “Opinion” mbrëmjen e sotme është diskutuar dhe për pensionet e të moshuarve. Në studio, kryeministri Edi Rama është përballur me një zonjë e cila deklaron se vetëm për fishat e diabetit paguan 6000 lekë në muaj.
Por pavarësisht deklaratës, kreu i qeverisë tha se fishat e diabetit janë të rimbursueshme, por kjo deklaratë u kundërshtua nga zonja e cila tha se i paguan vet çdo muaj.
Pjesë nga debati
Fevziu: Sa paguani ilaçe në muaj?
Zonja: Unë paguaj fishat e dibetit 60 mijë lekë.
Rama: Fishat e diabetit janë të rimbursueshme.
Zonja: Jo, jo i blej vetë.
Fevziu: Ajo i blen vetë ti thua…
Rama: Fakti që e merr vet nuk do të thotë që është e drejtë që ta marrë vet, pasi ka dhe shumë nevoj për informim. Pas emisionit do flasim.
Por në fund të emisionit Rama e ka pranuar që ishte gabim, teksa tha se fishat e diabetit rimbursohen deri në moshën 25 vjeç, ndërsa falas janë të gjitha alternativat e para të ilaçeve.
