Procesi i primareve të Partisë Demokratike, për kandidatin e kryetarit të Bashkisë në Tiranë është mbyllur me balotazh mes Belind Këlliçit dhe Ilir Alimehmetit.
Ndonëse ka kryesuar garën prej fillimit të numërimit në selinë qendrore të PD-së, Këlliçi nuk ka arritur të kalojë 50% e nevojshëm për t’u shpallur fitues.
Ish-kryetari i FRPD, aktualisht deputet i PD-së, Këlliçi ka marrë 4040 vota, gati dyfish më shumë se mjeku i njohur Ilir Alimehmeti i cili ka marrë 2196 vota.
Gerti Bogdani ka marrë 1819 vota duke u renditur i treti.
Raundi i dytë i balotazhit do të zhvillohet mes Këlliçit dhe Alimehmetit në 11 dhjetor.
Rezultatet e primareve të PD në Tiranë:
Belind Këlliçi – 4040
Ilir Alimehmeti – 2196
Gerti Bogdani – 1819
Julian Deda – 157
Adriana Kalaja – 128
Enkelejda Fejzo – 66
Fatmir Merkoçi – 35
