Reparti i Neurologjisë në spitalin rajonal të Shkodrës është përfshirë nga zjarri.
Forcat e zjarrfikëses kanë ndërhyrë menjëherë duke vënë nën kontroll situatën.
Paraprakisht nuk dihen ende shkaqet e incidentit por dyshohet për një defekt teknik.
Në vijim priten informacione më të detajuara për ngjarjen.
Drejtoria e Spitalit flet për shkëndijë elektrike
Ndërkohë Drejtoria e Spitalit Rajonal në Shkodër thotë se në këtë spital nuk ka patur asnjë rrezik nga zjarri.
Drejtoria sqaron se në një nga dhomat e Repartit të Neurologjisë ka patur një shkëndijë elektrike e cila është vendosur menjëherë nën kontroll nga siguria e spitalit.
Spitali Shkodër informon se nuk ka të lënduar dhe asnjë dëm material.
Dhoma ku ndodhi shkëndija është mbyllur dhe po kryehen punime.
