Tirana është eliminuar nga Liga e Kampioneve, por do të vazhdojë rrugëtimin e saj në Ligën e Konferencës. Bardheblutë do të luajnë në turin e dytë të këtij turneu ndaj Zrinjskit por që tani kanë një ide pak më të qartë mbi kundërshtarët e mundshëm në turin e tretë të turneut nëse arrijnë të kualifikohen përballë kampionëve të Bosnjë Hercegovinës.
Dy nga këto skuadra dihen që tani dhe janë Shakhtor Soligorsk dhe RFS e Letonisë, të cilat falë shortit kanë kaluar pa luajtur turin e dytë. Ndërsa 8 skuadrat e tjera do të dalin nga fitueset e sfidave të Rrugës së Kampioneve në turien e dytë të Ligës së Konferencës.
Aty marrin pjesë ekipe si Leç Poznan, CFR Kluzh apo Tobol ndaj edhe një short i mundshëm i turit të tretë nuk do të jetë aspak i thjeshtë për bardheblutë, të cilët si fillim duhet të kalojnë sfidën e dyfishtë me boshnjakët për të siguruar këtë tur./Panoramasport
TURI I DYTË I LIGËS SË KONFERENCËS
RRUGA E KAMPIONEVE
La Fiorita-Ballkani
Vikingur-CFR Kluzh
Sutjeska-KI Klaksvik
Hibernians-FCI Levadia
Tirana-Zrinjski
Leç Poznan-Dinamo Batumi
TNS-Inter Klub D’Eskaldes
Tobol-Linkoln Red Imps
