Ka dal sot para Komisionit të Pavarur të Kualifikimit prokurorja pranë Prokurorisë së Përgjithshme Alma Muça. Ajo do ti nënshtrohet vetingut, ndërsa hetimi është mbështetur në bazë të 3 kritereve; rivlerësimit të pasurisë, figurës dhe aftësisë profesionale. Muça nga verfikimet e ILDKPKI rezulton se ka bërë deklarim të saktë në përputhje me ligjin.
KPK ka theksuar se prokurorja ka burime të ligjshme për të justifikuar pasurinë dhe nuk gjendet në situatën e konfliktit të interesit. Prokurorja mes të tjerash disponon një depozitë bankare me një shumë prej 5 milonë lekësh të krijuar nga kursimet e pagës në vitet 2014-2015. Nga verifikimet e bëra, KPK ka theksuar se Muça disponon dhe një automjet me vlerë 17 mijë e 500 euro, burimi i krijimit hua nga babai i saj, dhe një shumë prej 2 milionë lekësh nga shitja e një makine të mëparshme. Gjithashtu, bëhet e ditur se prokurorja disponon një apartament në Durrës 185 m 2, ndërkohë që 28 mijë e 182 euro janë në pronësi të mamasë së subjektit. Muça në vitin 2017 kishte marrë dy apartamente me sipërfaqe 96 m 2 dhe 32 m2 të trashëguar pas vdekjes së të atit.
KPK nënvizon mes të tjerash faktin se është paditur me pretendimin se ka favorizuar ndryshimin e akuzës. Komisioni i Pavarur i Kualifikimit shprehu se në ONM kishte ardhur një denoncim lidhur me masakrën e Çoles në Vlorë, që konsiston tek mënyra e organizimit të punës prej prokurores Muça.
Përsa i përket kriterit të vlerësimit, KPK vlerësoi aftësitë profesionle të Muçës, ndërsa vijoji se nuk janë gjetur afera korruptive tek denoncimet. Prokurororja gjatë fjalës së saj para KPK-së kërkoi dhe konfirmimin në detyrë.