Naftëtarët e Ballshit dhe të Fieri janë mbledhur sërish sot përpara prefekturës. Ata kundërshtojnë vendimin e publikuar nga ministri Arben Ahmetaj një ditë më parë për pagesën e papunësisë. Ata sërish kanë dalë në protestë dhe kundërshtojnë tu drejtohen në zyrat e punës për tu regjistruar si të papunë.
Punonjësit e Kompanisë ARMO kanë protestuar edhe sot para prefekturës së Fierit. Naftëtarët e Rafinerisë së Fierit dhe Ballshit janë shprehur kundër vendimit të ministrit Arben Ahmetaj për nxjerrjen e 1200 punonjësve si të papunë dhe trajtimin e tyre me asistencë sociale. Ata deklarojnë se do të përshkallëzojnë protestat.
Naftëtarët kanë bllokuar segmentin rrugor përpara prefekturës së Fierit.Janë 1200 punonjës të rafinerisë së Ballshit dhe të Fierit që aktualisht janë të papunë ndërsa kompania IRTC u largua.Ministri i Financave dhe Ekonomisë Arben Ahmetaj ftoi të gjithë investitorët e interesuar të sjellin propozimet për rafineritë e ARMO-s.
