Edi Rama pritet me protesta në Lezhë: ‘Burg, burg, burg!’

0
247

Kryeministri Edi Rama është pritur me protesta në qytetin e Lezhës, ku edhe do të mbahet mbledhja e kabinetit qeveritar.

Protestuesit janë banorë të fshatit Torovicë, të cilët kërkojnë rikonstrucionin e rrugës që e lidh këtë fshat më qytetin e Lezhës.

Sipas banorëve kjo rrugë ka qënë një premtim elektoral i PS-së dhe për këtë arsye kanë dalë të protestojnë duke thërritur “Burg, burg, burg”.

Për të folur me protestuesit ka dalë Lindita Nikolla, deputete e kësaj zone, por sërish banorët nuk janë ofruar ta dëgjojnë.

Banorët janë organizuar që në mëngjes për këtë protestë, por policia tentoi ti ndalojë. Më herët u njoftua shoqërimi në komisariat i katër banorëve të fshatit Torrovicë, të cilët u ndaluan në hyrje të fshatit Balldre.