“Financimi rus i PD-së”, Rama: Kjo histori nuk mbyllet pa u zbardhur

0
289
TIRANA, ALBANIA - MARCH 3: Prime Minister of Albania Edi Rama gestures during a joint press conference with High Representative of the European Union for Foreign Affairs and Security Policy Federica Mogherini (not seen), following their bilateral meeting, in Tirana, Albania on March 3, 2016. (Photo by Olsi Shehu/Anadolu Agency/Getty Images)

Kryeministri Edi Rama ka reaguar në Facebook ndaj deklaratave të kryetarit të PD-së Lulzim Basha. Duke e quajtur një mishmash Bashën, Rama thotë se historia e financimit rus në PD do të zbardhet deri në fund.

Postimi i Ramës:
“Që është një mishmash fundekrye korruptiv xhepash të errët, kjo nuk diskutohet sepse vetë mishmashi provohet edhe nga dy prononcime krejt të kundërta, në harkun e 3 muajve nga i zoti i mishmashit; Që është një mishmash në shkelje të hapur me pasoja penale të disa ligjeve të vendit, as kjo nuk diskutohet dhe për këtë mjafton të dëgjosh qoftë edhe vetëm këto dy prononcime krejt kontradiktore; Që është e habitshme që të gjenden disa rusë bujarë (dhe jo vetëm rusë) që të nxjerrin nga xhepat e tyre gjysëm milionë dollarë për një parti shqiptare, as kjo nuk diskutohet që e bën mishmashin edhe më skandaloz, ligjërisht e politikisht! Por që kjo histori s’mund të mbyllet pa u zbardhur deri në fund, nëse ka apo jo,interferenca malinje forcash të huaja për ta përdorur opozitën shqiptare në funksion të cënimit të imazhit të Shqipërisë (drogëdrogëdrogëkrimkrimkrim), me qëllim pengimin e procesit të integrimit europian dhe destabilizimin e vendit, kjo është absolutisht e padiskutueshme! Shqipëria nuk mund të merret dot peng nga askush dhe shqiptarët pa dallim partie, nuk e meritojnë këtë mishmash papërgjegjshmërie politike, ligjore dhe kombëtare”, shkruan Rama