Rama i përgjigjet Bashës për buxhetin: Shpërthime imagjinate, qeshni se realiteti është optimist

0
217

Kryeministri Edi Rama, në fjalën e tij për rritjen ekonomike në Shqipëri, dhe bankat, foli lidhur me bashkëpunimin e qeverisë me bankat.

Rama tha se rritja ekonomike është optimiste dhe për vitin 2018, prandaj zgjodhi t’i kthente përgjigje dhe kreut të PD-së.

Rama tha se deklaratat e Bashës janë për të qarë por dhe për të qeshur.

Dje kam dëgjuar që imagjinata që nuk më mungonte s’ma kishte thënë kurrë që mund ta dëgjoja, që projekt buxheti të administrohet nga strukturat ligjzbatuese FBI-DEA si një projekt që dëshmon se buxheti përmes sistemit bankar, programi ynë është tanimë në duart e krimit. Tani ju të gjithë këtu jeni në duart e krimit dhe jo vetëm ju që jeni pa kufje apo edhe ata që janë me kufje, madje ata që janë me kufje janë më të dyshuarit, është për të qeshur edhe për të qarë se këto janë sinjalet më dëmtuese për konsumatorin. Ndaj dua tu them atyre që janë të detyruar të dëgjojnë të tilla shpërthime të imagjinatës të qeshin e të shkojnë përpara se realiteti ekonomik është optimist”, – tha Rama.