Vendi është përfshirë sërish nga reshje intensive në të gjithë territorin gjatë orëve të fundit.
Instituti i Gjeoshkencave, Energjisë, Ujit dhe Mjedisit paralajmëron se gjatë ditës së sotme dhe të nesërme për shkak të intensitetit të lartë nuk përjashtohet edhe mundësi e përmbytjeve në disa zona, e kjo në varësi të gjendjes së rrjetit të kanalizimeve.
Instituti i Gjeoshkencave publikon edhe hartën përkatëse për secilin qytet.
“RESHJET
Sot pasdite (e premte, dt.15) dhe nesër (e shtunë, dt.16) priten reshje në pjesën më të madhe të vendit. Në pjesën Veriore dhe Jugore reshjet do të jenë shumë intensive, ndërsa në pjesën qendrore intensive, por lokalisht deri shumë intensive (siç tregohet në tabelë, respektivisht për secilin qark).
Për shkak të intensitetit të lartë të reshjeve nuk përjashtohet mundësia e përmbytjeve lokale urbane, kjo në varësi të gjendjes së rrjetit të kanalizimeve.
TEMPERATURAT
Nesër (e shtunë, dt.16) temperaturat minimale dhe maksimale të ajrit pritet të arrijnë:
në bregdet: 11 °C / 16 °C
në vendet e ulëta: 13 °C / 15 °C
në vendet malore: 5 °C / 9 °C.
ERA
Sot pasdite (e premte, dt.15) dhe nesër (e shtunë, dt.16) era do të fryjë e lehtë deri mesatare, por në zonat malore dhe në bregdet mesatare deri e fortë”, sqarohet në njoftimin Instituti i Gjeoshkencave.
