Delegacioni i Bashkimit Europian në Tiranë ka raeguar pas situatës së dhunshme në selinë e Partisë Demokratike.
Delegacioni i BE dënon aktet e dhunës dhe i bën thirrje aktorëve për vetëpërmbajtje dhe qetësi. “Nuk duhet të ketë vend për dhunë në politikë”, thuhet në deklaratë.
Reagimi i plotë:
Delegacioni i Bashkimit Evropian dënon aktet e dhunës që kanë ndodhur sot dhe u bën thirrje të gjithë aktorëve të përfshirë të ushtrojnë qetësi dhe përmbajtje. Nuk duhet të ketë vend për dhunë në politikë.
Të gjithë të përfshirët kanë përgjegjësinë të sigurojnë që demonstratat të zhvillohen në mënyrë të rregullt dhe paqësore dhe të garantojnë sigurinë e të gjithë njerëzve të pranishëm.
Rruga e integrimit të Shqipërisë në BE ka nevojë për një opozitë solide që kontribuon në axhendën e reformave të vendit, duke iu përgjigjur aspiratës së popullit shqiptar, shumica dërrmuese e të cilit dëshiron ta shohë Shqipërinë në BE.
